X
GO
da-DKkl-GL
SIK
SISA-mi soraarnerussutisiassanik aaqqissuussineq

SIK-ip isumaqatigiissutai tunngavigalugit suliffeqarlutit atorfeqartitaaguit SIK-ip isumaqatigiissuteqartarnermigut qulakkeerunnikuuaatit SISA-mi soraarnerussutisiassannik aaqqissuussiffigineqarnissannik.

Soraarnerussutisiassanik aaqqissuussinermi qulakkeerunneqarputit inuunerit naallugu utoqqalinersiuteqarnissannik, perulunnartumik nappaateqalernermut sillimmaserneqarnermik aamma sulisinnaassutsinnik annaasaqarsimaguit qaammatikkaartumik pisartagaqartinneqassaatit katersannut akiliutigisarsimasappit annertoqataanik.

Soraarninngornissat sioqqullugu toqukkut qimagutissagaluaruit katersatit qimatannut tunniunneqassapput aamma meerarisatit 24-nik ukioqalernissaasa tungaannut qulakkeerunneqarput ukiumut pisartagaqartinneqarnissaat.

Soraarnerussutisiassannut katersininnut akiliutitit akileraaruteqartinneqassanngillat, tunniussuunneqarneratali nalaani akileraaruserneqartassapput.

Annertunerusumik paasissutissat atuarsinnaavatit SISA-p internettikkut nittartagaani uani: www.sisa.gl