SIK-p Inuusuttai
Postbox 9, 3900 Nuuk
E-mail inuusuttut@sik.gl
Tlf. 32 21 33, Fax 32 49 39
Facebookimi malinnaavigisigut

SIK-p Inuusuttai immikkoortortaqarfittut ukioq 2013 pilersinneqarpoq. Sulisartoqarnermi Ilinniartoqarnermilu inuusoqativut 30-t ataallugit ukioqartut sammisarivavut.

Ukiut marlukkaarlugit ataatsimeersuartarpugut, ukiumilu ataatsimeersuanngiffimmi Isumasioqatigiinneq ingerlasarpoq. SIK-p Inuusuttaani ilaasortat isumasioqatigiisitsilernitsinni aammalu ataatsimeersuartitsilernitsinni peqataarusukkunik immersuisinnaapput, pisussallu nallilernerani avammut immersugassanik nassiussuisarpugut.

► Una tooruk 2018-imi SIK-p Inuusuttaasa pikkorissarnerannik allaaserisaq atuarumallugu

Suliniutigisimasavut ilaatigut makkuupput

• SIK GE-llu praktikkerfissaaleqinerup akiornissaanut suleqatiginiarnerat.
• Sinerissami ilinniartut ineqarfiinik pitsanngorsaanissamik misissuineq.
• Sinerissami attaveqaasersorneq.
• Pisiniarfinni inuusuttunik sulisartunik paasititsiniaaneq.
• Illoqarfinni ilinniartoqarfiusuni saqqummiineq / paasititsiniaaneq isumasiuinerlu.

Ilaasortanngorusussinnaavit?

Ilaasortaasinnaasut tassaapput ilinniartut sulisartullu 30-t ataallugit ukioqartut.

SIK-p najugaqarfigisami immikoortortaata aalajangersagaa malillugu ilivitsumik akiliuteqartartussat tassaapput: Inuusuttut sulisartut 30-t ataallugit ukioqartut inuussutissarsiutinut tunngaviusumik ukiup aappassaanik ingerlallutik ilinniartut.

50 kr.-imik akiliisartut tassaapput: Ilinniarnertuunngorniarfinni ilinniartut, Piareersarfinni ilinniartut aammalu ukiumi siullermi inuussutissarsiutitigut tunngaviusumik ilinniartut.

Akiliutaasartup affaanik akiliisartut tassaapput: Inuussutissarsiutigalugu tunngaviusumik ukioq siulleq ilinniartut aammalu 18-nit inorlugit ukiullit.