SIK-p nittartagaa nutaaq una 2017-imi maajip aallartinnerani atulerpoq. Nittartagartaaq ammarami imarisamigut nittartagatoqqamit allaanerungaanngilaq. Siunertaavorli ineriartortinneqassasoq suli atorluarsinnaanerulersinniarlugu – sinerissami SIK-ip immikkoortortaani klubbinilu sinniisorisat allaffimmiullu ”allaffimmik tallissutaattullusooq” atorsinnaaniassammassuk.

Taamatut ineriartortitsinissaq kattuffiup qullersaqarfiani ingerlakkusupparput – taamaaliornitsinnilu atuisunit siunnersorneqartarnissarput isummersuutinillu tusartinneqartarnissarput pisariaqartipparput.

Tlf. 32 21 33-ikkut saaffiginnittoqarsinnaavoq imaluunniit e-mailikkut sik@sik.gl allattoqarsinnaalluni nalunaaqutserlugu "Nittartagaq".