X
GO
da-DKkl-GL
Sulinngiffeqarluni Angalanermut Aningaasaateqarfik pillugu

 

2019-imi angalanissamut qinnuteqarnissamut ilitsersuut

2019-imut qinnuteqarneq aallartissaaq ulloq 1. maaji 2018. Qinnuteqarnissap killinga: ulloq 1. aggusti 2018.
 

 

Aningaasaateqarfiup siunertaa:

Siunertaavoq sulisartut SIK-ip isumaqatigiissutai malillugit akissarsiaqartinneqartut sulinngiffeqarlutik angalanissannut akiliussinnaanissaat. Angalanissat makitsinikkut agguaanneqartassapput,

Aningaasaateqarfik angalanerinnavinnik akiliussisarpoq. Imaappoq angalasup hotelimi unnuinerit / ineqarneq nammineq akilertassavai.

Makitsinermi peqataassagaanni piumasaqaatit uku naammassineqarsimasariaqarput:

  • Sulisartup sulisitsisua aningaasaateqarfimmut akiliuteqartartuusariaqarpoq.
  • Qinnuteqartup qinnuteqaassutani najugaqatigisariaqarpaai.
  • Qinnuteqaat kingusinnerpaamik ulloq qinnuteqarfissaq kingulleq najukkami SIP-mut tunniunneqarsimasariaqarpoq imaluuniit SIK-mut nassiunneqaarluni.
  • Illit ukiut kingulliit sisamat ingerlaneranni makitaasimaguit angalanermullu akiliunneqarlutit, makitsinermut peqataasinnaanngilatit.
  • Sulinngiffeqarnermut aningaasaateqarfimmit allamit imaluunniit sulisitsisuminit tapiiffigineqarlutit akiliunneqarlutilluunnit sulinngiffeqarluni angalasaruit SIK-ip sulinngiffeqarluni angalanermut aningaasaateqarfiata akiliussinnaangilaatit.

Qulaani taaneqartut naammassineqanngippata makitsinermi peqataasinnaanngilatit.

 

Qinnuteqarneq:

Qinnuteqaat SIP-mut tunniunneqassaaq imaluunniit SIK-mut nassiunneqassalluni uunga: e-mail: feriefonden@sik.gl imaluunniit fax: 324939 kingusinnerpaamik 1. aggusti 2018.

Meeqqat:

Qitornavit aamma / imaluunniit inooqatigisavit qitornaasa angerlarsimaffimmi najugaqartut 18-it inorlugit ukioqartut akiliunneqarnissaannik qinnuteqarsinnaavutit. Qitornaasut taakku ukiumi angalaffiusumi annerpaamik 18-nik ukioqassapput.

Makitsineq:

Makitsineq aggustip naajartornerani pissaaq. Qinnuteqartut tamarmik allakkatigut kingusinnerpaamik ulloq 1. decembari 2018 akineqassapput.

Akissutisiassaq imatut imaqarsinnaavoq:   

1. Angalanissamik pissarsisutit

2. Utaqqisumut ilanngunneqartutit

3. Makitaasimanngitsutit angalanissamillu pissarsinngitsutit.