X
GO
da-DKkl-GL
Sulinngiffeqarluni Angalanermut Aningaasaateqarfik pillugu

 

Angalanissamut qinnuteqarnissaq pillugu paasissutissat

2018-imi angalanissamut qinnuteqarneq ulloq 1. aggusti 2017 naavoq. 2019-imut qinnuteqarneq aallartissaaq ulloq 1. maaji 2018.

 

Aningaasaateqarfiup siunertaraa sulisartut SIK-p isumaqatigiissutai malillugit akissarsiaqartinneqartut sulinngiffeqarlutik angalanissaannut akiliussinnaanissaat. Angalanissat makitsinikkut agguaanneqartassapput.

Makitsinermi peqataassagaanni piumasaqaatit uku naammassineqarsimasariaqarput:

  • Sulisartup sulisitsisua aningaasaateqarfimmut akiliuteqartartuusariaqarpoq
  • Qinnuteqaat eqqortumik immersorneqarsimasariaqarpoq
  • Qinnuteqaat kingusinnerpaamik ulloq qinnuteqarfissaq kingulleq najukkami SIP-mut tunniunneqarsimasariaqarpoq imaluunniit SIK-mut nassiunneqarluni
  • Illit imaluunniit inooqatigisat ukiut kingulliit sisamat ingerlaneranni makitaasimagussi angalanermullu akiliunneqarlusi, makitsinermut peqataasinnaanngilatit
  • Aappat imaluunniit inooqatigisat sulinngiffeqarnermut aningaasaateqarfimmit allamit imaluunniit sulisitsisuminit tapiiffigineqarluni akiliunneqarluniluunniit sulinngiffeqarluni angalasarpat, taanna SIK-p sulinngiffeqarluni angalanermut aningaasaateqarfiata akiliutissanngilaa.
  • Aappavit imaluunniit inooqatigisavit sulinngiffeqarnermut aningaasaateqarfimmit allamit sulisitsisumilluunniit tapiiffigineqarneratigut akiliunneqarneratigulluunniit ilaqutariit sulinngiffeqarlutik angalasarpata makitsinermi peqataasinnaanngilatit.

Qulaani taaneqartut naammassineqanngippata makitsinermi peqataasinnaanngilatit.

Qinnuteqarneq:

Qinnuteqaat SIP-mut tunniunneqassaaq imaluunniit SIK-mut nassiunneqassalluni uunga: fax 324939 imaluunniit e-mail feriefonden@sik.gl.

Piumaguit marlunnik qinnuteqaateqarsinnaavutit, aappaa Kalaallit Nunaanni angalanissamut aappaalu Danmarkimut angalanissamut. Makitsinermi makinneqartoq siulleq akuersissutigineqassaaq.


Meeqqat:

Qitornavit aamma/imaluunniit inooqatigisavit qitornaasa angerlarsimaffimmi najugaqartut 18-it inorlugit ukioqartut akiliunneqarnissaannik qinnuteqarsinnaavutit. Qitornaasut taakku ukiumi angalaffiusumi annerpaamik 18-inik ukio­qassapput.

Makitsineq:

Makitsineq aggustip naajartornerani pissaaq. Qinnuteqartut tamarmik allakkatigut kingusinnerpaamik ulloq 1. decembari.

Akissut tassaasinnaavoq:

  1. Angalanissamik pissarsisutit
  2. Imaluunniit angalanissamut utaqqisunut ilanngunneqartutit
  3. Imaluunniit makinneqarsimanngitsutit taamaattumillu angalanissamik pissarsinngitsoortutit

Angalanissamik pissarsiguit:

  • Kingusinnerpaamik 15. januaari aningaasaateqarfimmut ilisimatitsissaatit qaqugu angalarusunnersusi.
  • Qaqugu angalarusunnersusi ulloq taanna, tassa 15. januaari, sioqqullugu ilisimatitsissutigisinnaanngikkukku, taava aningaasaateqarfiup allaffianut saaffiginnissaatit isumaqatigiissutigalugulu qaqugu tamatumin­nga ilisimatitsisinnaalerumaartusi.

Utaqqisunut ilanngussimaguit aningaasaateqarfillu akiliisinnaappat, taava kingusinnerpaamik ulloq 1. maaji ilisimatinneqassaatit ukiumi tassani angalanissamut akiliunneqassanersusi.

Ilaqutariit taamaallaat ataatsimoorlutik angalassapput, imaappoq ulloq taanna aallaqatigiissallutik ullorlu taanna uteqatigiissallutik.

Aningaasaateqarfiup sulinngiffeqarluni angalanermi bilitsinut aningaasartuutit kisiisa akilissavai. Angalanermi ineqarneq, nerisaqarneq il. il. nammineq akilissavatit.