X
GO
da-DKkl-GL
2018-imi kajumissaatisisut

 

2018-imi nunani tamalaani sulisartut ulluanni SIK pisarnertut ilaasortami ilaannut marlunnut kajumissaatinik nersornaasiivoq.

 

Helga Iversen, Ilulissat, aamma Maren Therkelsen, Aasiaat, tamarmik immikkut Ôdâq Olsenip Aningaasaateqarfianit nersornaaserneqarput allagartanik 5.000 kr.-inik aningaasartalinnik.

Ôdâq Olsenip Aningaasaateqarfianit nersornaatisisut tamarmik ilisarnaatigaat ukiorpassu­arni suleqatiminnut kajumissaarisuulluarsimanertik sulisartullu peqatigiiffeqarnerannut tapersersuilluarsimanertik.

Maren Therkelsen (Maalaaraq) tassaavoq sulisut sinniisaat misilittagartooq Aasianni naju­galik. Suliamini aalajaatsuuvoq suliffimminullu ataqqinnilluni, aammalu ASIP-imi, SIK-p immikkoortortaani, suleqataalluartuulluni.

Maren Therkelsenip sulisut sinniisaattut suleqatiminik kajumissaarisuulluarnini malunnaatigaa.

Helga Iversen sulisartut peqatigiiffiannut ilaasortanngorpoq 1972-imi Qasigiannguani meeq­qerivimmi sulileramili. 2000-imilu Ilulissanut nuukkami sulisartut peqatigiiffeqarneranni suleqataanerminik aallussiinnarpoq.

Helga ilinniarsimanngikkaluarluni pikkorissarnernut assigiinngitsunut peqataasarnermigut periarfissanik atorluaaniartarsimavoq, pissarsianilu suleqatiminut sullitaminullu ingerlateqqinniartarlugit.

Qupperneq pilersinneqarpoq: 19-07-2018

 
Helga Iversenip (saamerliup) Ôdâq Olsenip Aningaasaateqarfianit kajumissaatisiassaa Ilulissani SIP-p siulittaasuanit Else Jonna Villadsenimit tunniunneqarpoq.

 

Ôdâq Olsenip Aningaasaateqarfia

Ôdâq Olsenip Aningaasaateqarfia SIK-p siulersuisuunerinik siulersuisoqartoq ukiut tamaa­sa sivisuumik ilaasortaasimasunut assigiinngitsutigut sulisartoqatiminnut annertoqqutaalluarsimasunut nersornaatinik kajumissaasiisarpoq.

Aningaasaateqarfiup ateqaatigaa angut Kalaallit Nunaanni sulisartut peqatigiiffeqarnerata oqaluttuarisaanerani malunnaateqarluartoq, sulisar­torpalaartumik isumaginnilluarnissamik pingaartitsilluni aqqutissiuisimasoq.