X
GO
da-DKkl-GL
Maajip aallaqqaataani allagartarsualiat

 

Oqariartuutinik pingaartunik imalinnik allagartarsualiorneq nunarsuarmi tamarmi sulisartut ulluannut 1. maajimut ilaalluinnarpoq.

 

Piumagaanni atortussat piukkunnartut suulluunniit atorneqarsinnaapput - soorlu tamanna takuneqarsinnaasoq assilissani ukunani Narsarsuarmi SIP-p nassiussaani.

Ulloq taanna ilaasortat piumasut katersuupput allagartarsualioriartorlutik – tamatumanilu karsit pappialat qeratasuut atorneqarsinnaakutsoorput, aammalumi qangalili atorneqartarlutik. Oqariartuummi pingaarneruvoq.

Allagartarsuartigut oqariartuutigineqartut takussutissiipput Narsarsuarmi sulisartut akornanni ukioq manna suut pingaartinneqarnerannik:

  • Sooruna sarfaq kiassarnerlu akii taamaaginnarpat?
  • Angajeqqaat kisimiittut aappalittut naatsorsuutigineqarunnaarlik
  • Akissarsiat annikipput
  • Inigisat akitsoriartortut akissarsiat malinnaanngitsut
  • Nioqqutissat akisivallaarneri nunaqarfimmiunut naleqqutinngillat neqerooruteqarnerlu ajorluni

Qupperneq pilersinneqarpoq: 19-07-2018