X
GO
da-DKkl-GL
SIK
SIK-p allattoqarfianit ukiumoortumik nalunaarusiaq 2020-mut

20. januaari 2021: Ukiumoortumik nalunaarusiaq iliuusiuvoq nutaaq SIK-p allattoqarfiani ukiup ingerlanerani sunik ingerlataqartoqarsimaneranik takussutissiisussaq.

"Ukiumoortumik nalunaarusiaq 2020" 34-nik quppernilik (kalaallisut qallunaatullu) e-mailikkut nassiussuunneqaqqammerpoq. Taamatut paasissutissinniarlugit saaffigineqartut tassaanerupput kattuffiup ilaasortai, siulersuisuunerit, immikkoortortaqarfiit aamma sulisut sinniisorpassui.

Taamatut nalunaarusiornikkut SIK-p allattoqarfia paasissutissiiniarpoq ukiup ingerlanerani suliat tamalaat qanoq ittut ingerlanneqarsimanerannik.

"Soorunami siunertaraarput kattuffiup ilaasortaanik sullissilluarnissarput soqutigisaannillu isumaginnilluarnissarput. Taamalu aamma pisortani namminersortunilu sulisitsisunut attaveqarnitsinni SIK-p isumaqatiginiartakkatut suleqatissatullu tutsuiginartumik imminut takutittarnissaa pingaartilluinnarparput," allattoqarfiup pisortaa Bjarne Petersen nalunaarusiamut siulequtsiussamini taama allappoq.

Una tooruk nalunaarusiaq aajumallugu

 

2020-mi sulisut allannguuteqanngillat, tassa allattoqarfimmi sulisut ukioq tamaat allannguuteqaratik taakkuuginnarput. Uani siulittaasoq  aamma siulittaasup tullia  assiliseqatigivaat.

Saamerlermit: Aningaasaqarnermut akisussaasoq Dorthe Stoiberg, siunnersorti Sofie Svendsen, siunnersorti Inge-Marie Rosing, siunnersorti Emma Junge Dalager, siunnersorti Hans Peter Sikemsen, allattoqarfiup pisortaa Bjarne Petersen, siunnersorti Susanne Olsen, siunnersorti Svend Møller, siunnersorti Dana Dahl, siulittaasoq Jess G. Berthelsen, siulittaasup allattaa Estrella Mølgaard Thomsen, siulittaasup tullia Ludvig Larsen, siunnersorti Inge Lennert aamma aningaaserisoq Tina L. Nielsen.