Suso Heinrich højskole 1977-imi aallartimmat tassani pisortaavoq, taamaallunilu 1985-ip tungaanut. Nunatsinni sulisartut kattuffeqarneranni ingerlatsisuusut taamani Suso Heinrichimik suleqateqarluarsimanertik qujassutissaqarfigaat.
Suso Heinrichip inuiaqatigiinni pissutsinik paasisimasaqarluarnera aammalu sulisartut kattuffeqarnerata tunuliaqutaanik suliniutaanillu soqutiginninnera højskolip ingerlanneqarneranut naleqarsimaqaat SIK-mullu pissarsiaqarluarfiullutik.