X
GO
da-DKkl-GL
SIK
SISA ataatsimeersuariaqqusivoq

14. januaari 2019: Soraarnerussutisiassanik aningaasaateqarfiup ileqquusumik ataatsimeersuarnissaa pissaaq ulloq 10. apriili 2019.

Sulinermik Inuussutissarsiuteqartut Soraarnerussutisiaqalernissamut Aningaasaateqarfiat SISA ileqquusumik ataatsimeersuassaaq pingasunngornermi 10. apriili 2019, nal. 14.00. Tamanna Sisimiuni ingerlanneqassaaq.

Oqaluuserisassat malittarisassat najoqqutaralugit ingerlanneqassapput. Ilaasortanit oqaluuserisassatut siunnersuutit SISA-p allaffianut apuunneqareersimassapput tallimanngorneq 1. februaari 2019.

SISA-p allattoqarfiani pisortaq Pâviâraq Heilmann ataatsimeersuarnissamut aallartitaqartussanut, SIK-ip immikkoortortaqarfiinut, e-mailikkut kissaateqarpoq nalunaarut taanna immikkoortortaqarfiit allaffiini 1. februaari 2019-ip tungaanut nivingateqqullugu.

SISA-p malittarisassaani § 6. imm. 6. malillugu ilaasortaq kinaluunniit pisinnaatinneqarpoq ataatsimeersuarnermut siunnersuumminik oqaluuserisassanngortitsisinnaanissaminik, tamatumani ilaasortaq piumasaqaamminik siulersuisunut allakkatigut saqqummiussaqarpat aammalu ima piffissaalluartigisukkut siunnersuut oqaluuserisassanut ilanngunneqarsinnaanngorlugu. Siunnersuutit siulersuisunut ukiumi ataatsimeersuarfiusussami 1. februaari sioqqullugu nalunaarutigineqartut ileqquusumik ataatsimeersuarnermi siunnersuutit tamatigut oqaluuserisassanngortinneqartassapput.

"Neriuutigaarput nivinngagassannguaq allaffissinni tamanit takuneqarsinnaanngorlugu nivingatikkumaarissi," Pâviâraq Heilmann taama SIK-p immikkoortortaqarfiinut allappoq.