X
GO
da-DKkl-GL
SIK
Tunisassiorneq sulisussaqarniarnerlu pitsanngorsarniarlugit suleqatigiinnerulernissaq

11. decembari 2018: Tunisassiorneq aamma sulisussaqarniarneq pitsanngorsarniarlugit SIK aamma Royal Greenland qaninnerusumik suleqatigiilerput.

Tunisassiornermi sulisussaqarniarnermilu suliniutit sunniuteqarfigisinnaasatik qulakkeerusullugit SIK aamma Royal Greenland akunnerminni paasissutisseeqatigiittarniarlutik isumaqatigiissutigaat. Ilaatigut tunisassiornermi ulapaarfimmi sulisussaaleqisarnernut tunngasut paasissutisseeqatigiinnikkut qulakkeerniarneqarput, aamma tunisassiorfiit ataavarnerusumik tunisassiassanik pilersorneqarnerannut tunngasut Royal Greenlandimiit qulakkeerniarneqarput.

Ukioq kaajallallugu tunisassiassanik pilersuinerup ingerlaavartuunissaa anguniarlugu suliniutaasinnaasut sapinngisaq naapertorlugu qulakkeerneqarnissaat illuatungeriit kajumissaarutiginiarlugit isumaqatigiissutigaattaaq. Tunisassiassanik pilersuinerup assigiiaarnerusumik ingerlanneqalernissaa qulakkeerniarlugu assersuutigalugu sinerissap qanittuani aalisartut ataasiakkaat pisassiissutaasa niuerutaalersinnaanissaat anguniarneqassasoq illuatungeriit sulissutiginiarpaat.

Aalisarnermut, Piniarnermut Nunalerinermullu Naalakkersuisoq juullertinnagu illuatungeriit naapikkunikku isumassarsiat pitsanngorsaataasinnaasut pillugit sinaakkusiiniarnermi piumasaqaatit saqqummiunneqassapput.

Sinerissap qanittuani aalisarneq pillugu KNAPK-ip qanittumik suleqatigineqarnera SIK-ip aamma Royal Greenlandip  ingerlatiinnarusuppaat.
 

Jess G. Berthelsen                             
SIK-imi siulittaasoq 

Jens K. Lyberth 
Royal Greenlandimi attaveqaqatigiinnermut sulisoqarnermullu