X
GO
da-DKkl-GL
SIK
Aalajangiinnassaagut qimaasunik qassinik tigusisinnaanerluta

6. maaji 2019: Uagutsinnuinnaq eqqarsaatigivallaalersimassaagut inuiaat allat nunaminni atugarliortitaa­ngaartut, politikkikkut malersorneqartut il.il nunamut maanga tikilluaqqusinnaanngikkutsi­git, SIK-p siulittaasua oqarpoq.

Kineserinik 100-nik sulisussanik tikisitsisinnaagutta sooq qimaasumik ataasinnguamilluunniit tigusisinnaassanngilagut?

Uagutsinnuinnaq eqqarsaatigivallaalersimassaagut inuiaat allat nunaminni atugarliortitaa­ngaartut, politikkikkut malersorneqartut il.il nunamut maanga tikilluaqqusinnaanngikkutsi­git.

Ajuusaarnaraluartumik ilaatigut sumiiffiit ilaanni sulisussaaleqilertarpugut. Aamma sumiiffiit ilaanni inissiarpassuit inoqaratik aserfallatsaalineqaratillu asiugaluttuinnarput. Taava sooq qimaasumik ataasiin­naanngumilluunniit maani nunarujussuarmi tigusisinnaassanngilagut? Uagummi namminer­piaq nunatsinni taamatut naqisimaneqarlutalu malersugaale­ra­­luarutta, nunamullu al­la­mut qimaagaluarluta tassani tikilluaqqusaanngikkutta, qanoq misigissagaluarnerpugut.

Aap, akornatsinni atugarliortortaqaqaagut – taamaakkaluartorli kalaallit aamma inunnut allanut naakkittar­tuupput, uummaterujussuaqarlutillu, ilaa?

Maaniuna nunami aalajangiinartussaasugut qimaasunik qassinik tigusisinnaanerluta. Alla­mik naamik.


Jess G. Berthelsen
SIK-p siulittaasua