X
GO
da-DKkl-GL
AK-p ilaasortaasa soraarnerussutisiassaat

 

10. novembari 2017: AK-mut ilaasortat SISA-mut nuunnissartik suli kissaatigigunikku kattuffitsik na­lunaarfigisariaqassavaat - imaluunniit Finanstilsynimut naammagittaalliortariaqassapput 1. decembari 2017 tikitsinnagu.

 

Ulluni kingullerni Atorfillit Kattuffiannut (AK) ilaasortat amerlaqisut taamatullu PFA So­raar­nermut akilersuisimasut, SISA-mut nuukkusullutik saaffiginneqattaarput. Taamannalu imminermini tupinnanngilaq, tassami nalunnginnamikku maannakkut Mittarfeqarfinnut 400 million kroninik akileeqataasussanngorlutik.

Unali SIK-miik erseqqissaatigisariaqarparput: Atorfillit Kattuffiat  ilaasortatik sinnerlugit nalunaarsimavoq PFA Soraarnerup taamaatinneranut atatillugu soraarnin­ngornissaminnut aningaasat katersaat tamarmik nunatsinnit Danmarkimut PFA Pensionimut nuunneqassa­sut.

Taamaattumik massakkut SIK-p Soraarnerussutisiaqalernissamut Aningaasaateqarfianut nunatsinniittumut, SISA-mut, nuunnissartik suli kissaatigigunikku taava kattuffitsik AK na­lunaarfigisariaqassavaat. Imaluunniit Finanstilsynimut naammagittaalliortariaqassapput piffissaq una tikitsinnagu: 1. decembari 2017. Finanstilsynet@ftnet.dk eller Finanstilsynet, Arhusgade 110, København, Danmark.

SISA-mit maannakkut uagut qanoq iliuuseqarpiarsinnaanngilagut AK-p ilaasortani sinnerlugit aalajangersimammagu ilaasortat aningaasaataasa ataatsimoorussamik Danmarkimut nuunneqarnissaat.


Jess G. Berthelsen
Kattuffiup siulittaasua