X
GO
da-DKkl-GL
SIK
Sulisut sinniisaat soraarsitaasoq taarsiissuteqarfigineqassaaq

17. juuli 2015: SIK aamma SIP-Ilulissat maajip qaammataanili sulisut sinniisaannik napparsimanerata nalaani soraarsinneqartumut suliaq ingerlappaat ajugaassutigalugulu.

Suliaq sivisunaarneqarsimavoq, kisianni SIK pitsammik sakkussaqarluni isumaqatigiissutini malittarisassat atuuttut innersuussutigisimavai, maannalu suliami aalajangiisoqarluni.

SIK-mi sulisut sinniisaat pissutissaqanngitsumik soraarsitaanini pissutigalugu qaammatini pingasuni akissarsiassamik annaasimasaminik maanna pissarsisussanngortoq sinnerlugu suliami matumani ajugaanerput nuannaarutigaarput. SIP-Ilulissani siulittaasoq pikkorilluni inaarutaasumik angusap tungaanut isumaqatiginninniarsimavoq.
 

Else Jonna Viladsen – SIP-Ilulissani siulittaasoq.

SIP-Ilulissani siulittaasoq Else Jonna Viladsen oqarpoq:

Uagut nuannaarutigaarput aamma tulluusimaarutigalugu isumaqatigiissutinik, immikkoortortaqarfinni sulineq aamma maleruaqqusat isumagisartakkatta, taakku sulisartut illersorneqarnerannut ilaammata matumanilu pineqartumi sulisut sinniisaannik, taamaalilluni pineqartoq qaammatini pingasuni akissarsiassaminik annaasarigaluakkaminik pissarsilluni.