X
GO
da-DKkl-GL
SIK
Immersugassaq nutarterneqartoq

18. januaari 2019: Ullumikkumit atorneqalissaaq immersugassaq nutaaq Isumaginninnermut Aningaasaateqarfimmut qinnuteqartut atortagassaat.

Immersugassap nutarterneqarneranut pissutaasut arlaliupput. Ilaatigut immersugassaq qinnuteqarniartunut paasiuminarnerulersinniarneqarpoq. Aammali inunnik paasissutissanik suliarinnittarneq pillugu inatsisip piumasaanut naapertuuttunngorsarniarneqarpoq.

Taamalu immersugassamut maanna ilanngunneqarpoq paasissutissat inummut tunngassuteqartut katersorlugillu atorneqarsinnaanerannut aku­e­rsinissaq.

Isumaginninnermut Aningaasaateqarfik namminerisaminik e-mailadressitaarportaaq: socialfonden@sik.gl – tassungalu qinnuteqaatit il.il. nassiunneqartalissapput.

 

 

Maannamut SIK-p pisortatigoortumik e-mailadressia sik@sik.gl qinnuteqaatinik nassiussivigineqartaraluarpoq, taannali maannamit tamatumunnga atorunnaarpoq.

Taamatut immikkut e-mailadresseqalerneq aammattaaq pissuteqarneruvoq inunnik paasissutissanik suliarinnittarneq pillugu inatsisip maleruarneqarnissaanik.