X
GO
da-DKkl-GL
Allatulli sulisartoqatigaavut


22. novembari 2017: Pissusissami­suun­­ngitsu­tut isigiuarparput maanga nunamut nammineq suliartortitatsinnik, soorlu filippinerinik, asissui­ner­suaq, SIK-p siulittaasua taama erseqqissaavoq.

 

Sermitsiami ippassaq atuarpara Nuummi sulisartut Filippinerineersut politinut suliassan­ngortitsisimasut pinngitsaalillugit akiliisinniarneqartarsimanertik pillugu. SIK-miit oqaa­tigi­sinnaavarput nunami allamiut nunatsinni suliartornissaminnut akuersissu­tilli tikilluaqqugatsigit, aamma SIK-mut ilaasortanngortartut amerliartorput – qujanartumik.

Ajoraluartumilli sulisitsisut taamatut atornerluiniartarnerat SIK-mi takornanngilarput, pi­ngaartumik sulisitsisut kattuffiinut ilaasortaaffeqanngitsut akornanni tamanna ingerlatsinermi atorneqarniartarpoq. Assersuutigalugu ilaasortatsinnut Filippinerineersu­nut allanut tunngatillugu eqqar­tuus­si­vit­sigoortillugu suliakkiuteqarnissaq maanna suliaraarput. Eqqartuussivikkoortitsisaria­qar­pu­gut pissutigalugu sulisitsisut tamakku sulisitsisunut isumaqatigiissuteqarfigisatsinnut ilaasortaanngimmata, taamalu taakkununnga ajornannginnerulluni sulisartunik atornerluinissaq.

Naggataatigut una naqissuserlugu SIK-miik oqariartuutigerusupparput: Pissusissami­suun­­ngitsu­tut isigiuarparput maanga nunamut nammineq suliartortitatsinnik asissui­ner­suaq. Eqqaamallugu uagunukua nammineq tikisitavut, taava tikiseriarlugit asissussan­ngi­lavut. Taakkuami sulisartut sulisitsisuninngaanniit tikisinneqarput, sulisartullu maanga ti­kittut allatulli sulisartoqatigaavut, sutigullu tamatigut aam­ma ikioqquppata ikiortussaavavut.

Jess G. Berthelsen
Kattuffiup siulittaas
ua