X
GO
da-DKkl-GL
SIK
Saqqami sulisut angerlartitaapput

16. novembari 2018: Piffissami sivitsortumi Royal Greenland sulisussaale­qi­lerlunilu akuttunngitsumik inuiaqa­ti­giinnut tusagassiuutitigut nalunaartarpoq.

Taamattorli maannakkut Saqqami ilaasortavut maanaannaq angerlartinneqarput. Taa­maat­tumik Royal Greenland nammineq aamma pisooqataanngitsuunngilaq taamatut sulisussaa­le­qisarnerminut. Tassami kia suliffigerusussavaa suliffeqarfik taamatut piffissaanngitsukkut angerlartitseqattaartuartoq?

Ilaasortavummi suliffeqarusupput ataavartumik - nalunagu suliffik ukioq kaajallallugu suliffigisinnaallugu.

Minnerpaamimmi aamma ukiumut ilivitsumut pilersaarusiorusuttarput. Royal Greenlandilu pikkorinnerusariaqarpoq ataavartumik aalisakkerivimmini sulisitsisassalluni.

Jess G. Berthelsen
SIK-p siulittaasua