SIK-mut ilaasortaaguit
- Suleqatit allat tuusintillit tapersersortigissavatit
- Ilinniarsimasunik misilittagalinnillu ikiortissaqarlutillu siunnersortissaqarputit
- Pissutsit atugarisavit assinginik atugaqartut inuit naapissavatit
- Illit imminut aamma Nunarput siunissamut piareersassavat
- Suliannut tunngasutigut sunniuteqarnerussaatit
SIK-p illit isumaqatigiissutit isumaqatigiinniutigisarpaa, illillu ilaasortatut iluaqutaasut tamaasa pissarsiarissavatit sunneeqataanissamullu periarfissaqalerlutit - toqqaannartumik imaluunniit sulisut sinniisaat SIP-lu aqqutigalugit.
Isumaqatigiissutit pillugit siunnersorneqarneq
Akissarsiat, feeria, suliffinni atugarisat avatangiisillu, pisinnaatitaaffitit allarpassuillu pillugit siunnersorneqassaatit. Nunatsinni illit illoqarfinni aamma nunaqarfinni aamma nuna tamakkerlugu suliffeqarneq SIK-mi ilisimaarilluarpavut.
Pitsaanerusumik qularnaarneqarneq
SIK-mi atorfeqarnermi atugarisat pillugit, akissarsiatigut, napparsimanermi, soraarsitaanermi aamma suliffissaaleqinermi isumaqatiginninniarnikkut isumannaannerusumik inissisimassaatit. Siunnersorneqarnermik, tapersersorneqarnermik aamma attaveqaqatigiinnermik neqeroorfigaatsigit.
Isumaqatigiissutit pillugit pikkorissarneq
SIK-mi Nunatsinni akissarsiat najukkanni aamma nuna tamak- kerlugu suliffeqarnermi atugarisat pitsaanerulersinnissaannut peqataanissannut periarfissaqarputit. SIK isumaqatigiissutit pillugit pikkorissarnernik neqerooruteqarpoq, tassani illit ataatsi- moornermik nukittuumik misigisaqarsinnaavutit, kisianni aammattaaq illit suliffinni naapittakkannik unamminiarnartunik pitsanngortitsisinnaasunik piginnaaneqalissaatit atortussannillu pissarsillutit.
Sullissineq
SIK-mi ilaasortaanermi pitsaasumik sullinneqassaatit siunnersorneqarlutillu SIK-p aningaasaateqarfiinut qinnuteqaateqarnissamut, soorlu Sulinngiffeqarluni Angalanermut Aningaasaa teqarfimmut, tassani sulinngiffeqarlutit angalanissamut akiliunneqarnissamut periarfissaqarluni. Illit qanigisat perululluni napparsimalerpat Isumaginninnermut Aningaasaateqarfimmit ikiorneqarnissamik qinnuteqarsinnaavutit. Makku qinnuteqaatigineqarsinnaapput: Sulinngikkallarnermi annaasaqaatit, ineqarneq, angalanissamut aningaasartuutissat aamma qanigisap ilerrata illoqarfigisamut angerlaanneqarnissaanut.
SIK sunaana?
- SIK sulisartut peqatigiiffiisa kattuffigaat
- SIK-p Nunatsinni sulinermik inuussutissarsiuteqartut 10.000-it pallillugit sullitarai
- SIK immikkoortortaqarfeqarpoq 25-nik (SIP)
- SIK ilaasortat sinnerlugit isumaqatiginninniartarpoq
- SIK tassaavoq Kalaallit Nunaanni sulinermik inuussutissarsiuteqartut oqaaseqartartuat sakkortooq
SIP sunaana?
- SIP najukkami sulinermik inuussutissarsiuteqartut peqatigiiffigaat
- SIP-mi suliamik ilinniagaqarsimasuunngitsut aamma ilinniagaqarsimasut ilaasortaapput
- SIP-p sulisut sinniisaasa suliaat ataqatigiissaartarpai – sulisut sinniisaat SIP-p suliffimmi attaveqaatigaat
- SIP-p najukkami suliffinnut sulisitsisunullu attaveqarneq isumagisarai
SIK-p allattoqarfia sunaava?
- SIK-p allattoqarfiata sullitarai siulersuisuunerit, immikkoortortaqarfiit, sulisut sinniisaat aamma ilaasortat, taakkununngalu allaffeqarfiulluni.
- SIK-p allattoqarfianiipput aammattaaq ulluinnarni aqutsisut, taakku kattuffiup avataani attaveqarnerit tamaasa isumagisaraat.