X
GO
da-DKkl-GL
SIK
Johan Christiansen toquvoq

6. novembari 2019: SIK-mi ataqqinaammik ilaasortarput Johan Christiansen sapaammi 3. novembari 2019 nunamini Kangersuatsiaani toqukkut qimaguppoq.

Johan Christiansen, Juaarsuaq (taama ulluinnarni taaneqartarami), Nanortalimmi Sulisar­tut Peqatigiiffianni siulittaasunngorpoq 1964-mi. Avanna­mut nuukkami Qasigiannguani SIP-mi siulersuisunut ilaasortanngorpoq, 1967-imilu siulittaa­sunngorluni. Kiisalu Diskobugti tamakkerlugu peqatigiiffeqarallarmat aamma tassani siulittaasuu­si­mavoq.

1969-imit 1983-imut SIK-p siulersuisuunerinut ilaasor­taavoq. Qasigiannguani qinigaalluni kommunalbestyrelsimut ilaasortaavoq 1989-imit 1993-imut. Taa­manikkut Juaarsuaq Dis­ko­bugtimi sulisartut sinnerlugit arbejdsmarkedsnæv­nimi ilaasortaasimavoq ukiut 20-t sinnerlugit.

Juaarsuaq nunatsinni sulisartoqarnerup iluani tunniusimalluni sulisartut ulluinnar­ni atugaa­sa pitsanngorsaavigineqarnissaat anersaaralugu ukiorpassuarni suliniaqataasimavoq. Raajat nalaanni Qasigiannguani fabrikkimi sulisimavoq, taa­malu suliffissuarni sulisartunut atugassarititaasut pillugit suliniuteqartuarsimanini eq­qaa­maneqaatigaa.

Juaarsuup eqqaamaneqaatissaasa aam­ma ilagaat inuiaqatigiini pisunut malinnaasuunini, toqussilu tikillugu kattuffimmuti suleqataaffigisaminut malinnaajuarpoq. Inoqatiminut ataqqinnittuunini nuannaartitsisinnaaninilu eqqaamaneqaatissaasa aamma ilagaat.

Johan Christiansenip eqqaaneqarnera ataqqinartuuli.

 

Jess G. Berthelsen
Kattuffiup siulittaasua

 
Johan Christiansen, issiasoq naasunik tigumiartoq. SIK-p 2017-imi ataatsimeersuarnerani assilisaq. Ilagai ataqqinaammik ilaasortat allat marluk, Jonas Fleischer (assilissami saamerleq) aamma Pavia Lange, siulittaasorlu Jess G. Berthelsen.